Галоўная | Рэгістрацыя | Уваход | RSSСуббота, 08.08.2020, 11:44

ДУА "Суцінскі НПК дзіцячы сад - базавая школа"

 
Суцінскі НПК
Статыстыка

Онлайн всего: 1
Гостей: 1
Пользователей: 0


Праблема і задачы на 2019/2020 навучальны год.

ДУА «Суцінскі вучэбна-педагагічны комплекс дзіцячы сад-базавая школа» размяшчаецца па адрасе Пухавіцкі раён, в.Суцін, вул. Цэнтральная, д.108. Агульная колькасць класаў у школе - 9. Агульная колькасць вучняў - 30 чалавек. У 1 - 4 класах займаецца 9 навучэнцаў, у 5 - 9 займаецца 21 навучэнец. Дзіцячы сад наведвае 11 выхаванцаў. Педагагічны калектыў - 11 педагогаў, 1 выхавальнік, 1 бібліятэкар. Вышэйшую адукацыю маюць 10 педагогаў, сярэдне-спецыяльную - 3 педагога, у тым ліку 3 педагога маюць вышэйшую кваліфікацыйную катэгорыю, 4 педагога 1 кваліфікацыйную катэгорыю, і 2 педагога мае 2 кваліфікацыйную катэгорыю. Колькасць тэхнічнага персаналу складае 12 чалавек.

У 2019/2020 навучальным годзе тэма, над якой працуе педагагічны калектыў установы адукацыі, гучыць так “Кампетэнтнасны падыход як магчымасць павышэння якасці адукацыі".

Мэта: стварэнне ўмоў для ўдасканалення адукацыйнага працэсу ўстановы адукацыі праз павышэнне якасці адукацыі і рэалізацыю кампетэнтнаснага падыходу, удасканаленне прафесійных кампетэнцый педагогаў.

Задачы наступныя:

1. Актывізаваць працу па павышэнні якасці адукацыі навучэнцаў і выхаванцаў рознаўзроставай групы шляхам удасканалення прафесійнага майстэрства і кампетэнцыі педагогаў.

2. Удасканальваць сістэму працы з высокаматываванымі вучнямі праз забеспячэнне выніковага ўдзелу ў прадметных алімпіядах, інтэлектуальных конкурсах і турнірах па ўсіх вучэбных прадметах.

3. Удасканальваць сістэму прафарыентацыйнай працы праз сістэму вучэбных, факультатыўных заняткаў, выхаваўчых мерапрыемстваў.

4. Спрыяць павышэнню кваліфікацыйнага ўзроўню педагогаў праз праходжанне атэстацыі.

5. Удасканальваць выхаваўчую дзейнасць, якая спрыяе развіццю ў вучняў актыўнасці ў розных сферах грамадскай дзейнасці, матывацыі да працы і творчасці, імкнення да маральнага, інтэлектуальнаму самаразвіццю і самавызначэнню.

6. Працягнуць працу па папярэджанні сямейнага недабрабыту, сацыяльнага сіроцтва, прафілактыцы асацыяльных паводзін, безнагляднасці і правапарушэнняў навучэнцаў. Навучаць законных прадстаўнікоў вучняў і выхаванцаў дзіцячага садка па пытаннях выканання бацькоўскіх абавязкаў, недапушчальнасці пагрозы жыцця і здароўя дзяцей, а таксама фарміраванні культуры сямейных адносін.

7. Выкарыстанне здароўезберагальных тэхналогій на ўсіх этапах адукацыйнага працэсу.

8. Удасканальваць матэрыяльную базу школы-сада для стварэння адпаведных умоў па навучанні і выхаванні навучэнцаў, ахове іх здароўя.

У школе арганізаваны факультатыўныя заняткі: «Матэматычная Вяселка», «Развіццё творчых здольнасцяў», «Мы - самі»

Таксама кожную суботу для вучняў арганізавана работа аб'яднанняў па інтарэсах: «Вучымся гуляць у шахматы і шашкі», «Спартыўныя гульні», КЮВП «Юныя выратавальнікі».

Штогод вучні ўстановы адукацыі ўдзельнічаюць у прадметных алімпіядах, інтэлектуальных турнірах, штогадовай областнай алімпіядзе па ПДР, спартыўных спаборніцтвах, раённых конкурсах чытальнікаў і дамагаюцца добрых вынікаў, займаюць прызавыя месцы.

 

 

 

 

 

 

 








Copyright MyCorp © 2020
Сделать бесплатный сайт с uCoz